Grantiau cymwysterau cyfnod byr
O fis Medi 2025 ymlaen, byddwn yn cyflwyno haen grant newydd ar gyfer rhai cymwysterau cyfnod byr i sicrhau bod cyllid CITB yn cael ei ddefnyddio’n effeithiol i wneud y mwyaf o’r effaith.
Ar gyfer cyflawniadau o fis Medi 2025 ymlaen, bydd unrhyw gymhwyster a gyflawnir ar lefel ‘Dyfarniad’ yn derbyn gwerth grant o £240 (yn hytrach na £600).
Mae gan gymwysterau lefel ‘Dyfarniad’, fel arfer, gyfnod byrrach gyda llai o fodiwlau i’w chwblhau, ac mae’r gost i ymgymryd â’r lefel hon fel arfer yn is, felly mae hyn yn cael ei adlewyrchu yn y taliad grant newydd.
Rydym yn talu grantiau ar gyfer cyflawni cymwysterau cyfnod byr cymeradwy (sy'n cymryd llai na blwyddyn i'w cwblhau) sy'n canolbwyntio ar y sgiliau adeiladu craidd sydd eu hangen ar draws y diwydiant.
Ar y dudalen hon:
- Trosolwg
- Pwy all wneud cais am y grant hwn?
- Pa gyrsiau sy'n gymwys am grant?
- Faint ydyw?
- Sut i wneud cais
- A ydych wedi anfon eich manylion banc?
Trosolwg
Mae'r grant hwn yn talu am gyflawni cymwysterau cyfnod byr cymeradwy mewn sgiliau adeiladu craidd. Mae'r rhain yn cynnwys:
- NVQ ar Lefelau 2 ac uwch a SCQF ar Lefelau 5 ac uwch
- Tystysgrif Genedlaethol y Bwrdd Arholi Cenedlaethol mewn Diogelwch Galwedigaethol ac Iechyd (NEBOSH)
- Tystysgrif Cenedlaethol mewn Iechyd a Diogelwch Adeiladu
- Cyflawni cymhwyster galwedigaethol cysylltiedig â pheiriannau (VQ)
- Unedau VQ penodol sy'n gysylltiedig â pheiriannau
Gellir darparu cymwysterau mewn sawl ffordd fel y'u diffinnir o fewn y safon gymeradwy, gan gynnwys:
- i ffwrdd o'r gwaith
- trwy asesiad ar y safle (OSAT)
- trwy asesiad ymarferol gweithiwr profiadol (EWPA)
- yn ôl pellter ac e-ddysgu
- y tu allan i oriau gwaith confensiynol (gyda'r nos neu ar benwythnosau)
Nid oes grantiau cymhwyster cyfnod byr ar gael i gefnogi cyflawniadau unigol sy'n rhan o gymwysterau hirach eraill. Gweler grant cymhwyster cyfnod hir neu grantiau prentisiaeth am fanylion.
Pwy all wneud cais am y grant hwn?
Gallwch wneud cais os ydych chi wedi cofrestru â ni ac yn bodloni ein amodau a thelerau cyffredinol y Cynllun Grant a gofynion penodol y grant hwn.
Mae'r grant hwn ar gael i'r holl staff sydd wedi'u cyflogi'n uniongyrchol ar y system gyflogau a phob isgontractiwr.
Pa gyrsiau sy'n gymwys am grant?
Gweler rhestr lawn o gymwysterau rydym yn talu grant ar eu cyfer.
Rydym yn defnyddio meini prawf penodol i farnu pa gymwysterau y gellir eu cefnogi â grantiau. I weld sut rydym yn penderfynu pa gymwysterau sy’n gymwys, cliciwch yma.
Faint ydyw?
Rydym yn talu grant ar gyfer cymwysterau byr ar y cyfraddau canlynol, a bennir gan yr hyd, y cymhlethdod ac weithiau ffactorau eraill y diwydiant.
| Cymhwyster | Wedi’i gyflawni ar neu ar ôl Ebrill 2023 hyd at 31 Awst 2025 | Wedi’i gyflawni 01 Medi 2025 – 31 Mawrth 2026 |
|---|---|---|
| Tystysgrif neu Ddiploma N/SVQ – lefel 2 neu uwch | £600 | £600 |
| Cymwysterau Rheoli Penodol | £1500 | £1500 |
| Cymwysterau Goruchwylio Penodol | £1250 | £1250 |
| Cymwysterau Cladin Sgrin Glaw Penodol | £1000 | £1000 |
| VQ Gweithrediadau Peiriannau Lefel 2 – Uned Ychwanegol | £300 | £300 |
| Dyfarniad – Lefel 2 neu uwch | £600 | £240 |
Ewch i’r rhestr o gymwysterau rydym yn talu grantiau ar eu cyfer i weld pa gyfradd grant sydd ar gael ar gyfer eich cyflawniad penodol.
Mae grant cymhwyster cyfnod byr yn daladwy hyd at uchafswm o bedwar grant ar bob lefel fesul unigolyn. Dim ond unwaith y gallwch wneud cais ar gyfer unigolyn am yr un cyflawniad.
Mae Unedau VQ Peiriannau Lefel 2 yn daladwy hyd at uchafswm o dri fesul unigolyn, Mae cyflawniadau uned VQ Peiriannau hefyd wedi’u cynnwys yn y cap o bedwar cyflawniad Lefel 2 fesul unigolyn.
Lle mae grant blaenorol ar gyfer VQ Gweithrediadau Peiriannau llawn, dim ond ar gyfer y grant uned VQ sy’n ymwneud â pheiriannau y bydd cyflawniadau gweithrediadau peiriannau yn y dyfodol yn cael eu hystyried.
Lle mae grant blaenorol ar gyfer VQ gweithrediadau peiriannau, dim ond ar gyfer y grant uned VQ sy'n gysylltiedig â pheiriannau y bydd cyflawniadau yn y dyfodol yn cael eu hystyried.
Sut i wneud cais
Rhaid i chi gyflwyno'ch cais am grant cyflawniad o fewn 52 wythnos i'r dyddiad cyflawni, lawrlwythwch a chwblhewch y ffurflen gais (PDF, 133KB) a’i hanfon atom trwy ddefnyddio’r cyfeiriad e-bost isod.
Os dymunwch wneud cais am fwy nag un dysgwr ar unwaith, lawrlwythwch a chwblhewch y ffurflen gais Excel (Excel, 156KB).
- Arbedwch ac e-bostiwch eich ffurflen gais wedi'i chwblhau i grant.claimforms@citb.co.uk
- Atodwch gopi o'r dystysgrif cyflawniad neu’r e-bost hysbysu cyflawniad gan y corff dyfarnu. Ni ellir prosesu eich cais heb y dystiolaeth hon
I gael cymorth wrth wneud cais am y grant hwn gallwch gysylltu â'ch Cynghorydd CITB neu ein tîm Gwasanaethau Cwsmeriaid ar 0344 994 4455.
A ydych chi wedi anfon eich manylion banc?
Mae grantiau'n cael eu talu drwy drosglwyddiad banc. Os nad oes gennym eich manylion banc cyfredol, cwblhewch y Ffurflen Awdurdodi Credyd Uniongyrchol diogel ar-lein i gael taliadau grant